第四届AIA Pink Run将于10月25日在金边举行，设

គណៈកម្មការរៀបចំព្រឹត្តិការណ៍រត់កម្សាន្ដ AIA Pink Run លើកទី៤ រំពឹងមានអ្នកចូលរួមកើនដល់ ៥ពាន់នាក់ គណៈកម្មាធិការជាតិអូឡាំពិកកម្ពុជា (NOCC) នឹងបន្ដរៀបចំព្រឹត្តិការណ៍រត់កម្សាន្ដ AIA Pink Run លើកទី៤ នាថ្ងៃទី២៥ ខែតុលា ឆ្នាំ២០២៦ ខាងមុខ ជាមួយក្ដីរំពឹងមានអ្នកចូលរួមកើនដល់ ៤ ទៅ ៥ពាន់នាក់។ នេះបើការបង្ហាញសុទិដ្ឋិនិយមរបស់គណៈកម្មការរៀបចំ ក្នុងសន្និសីទសារព័ត៌មាន ដឹកនាំដោយលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងអគ្គលេខាធិការ NOCC នៅថ្ងៃទី០៨ ខែកញ្ញា ឆ្នាំ២០២៦។ ព្រឹត្តិការណ៍នេះ មាន ៣វិញ្ញាសា រួមមានរត់ចម្ងាយ ១០គីឡូម៉ែត្រ ៥គីឡូម៉ែត្រ និង ២.២៥គីឡូម៉ែត្រ ដែលគ្រោងនឹងចេញដំណើរ និងបញ្ចប់នៅសួនច្បារវត្តបទុមវតី រាជធានីភ្នំពេញ។ បច្ចុប្បន្នមានអត្តពលិកជាតិ-អន្ដរជាតិជាង ២ពាន់នាក់បានចុះឈ្មោះរួចរាល់ តែទម្រាំដល់ថ្ងៃកម្មវិធីផ្លូវការ លោកសង្ឃឹមថា ឆ្នាំនេះ អាចមានកំណើនអ្នកចូលរួមចន្លោះពី ៤ ទៅ ៥ពាន់នាក់។ តាមរយៈនេះ លោកក៏បានអំពាវនាវដល់ប្រជាពលរដ្ឋរួសរាន់ចុះឈ្មោះ ព្រោះសម្ភារៈមានកំណត់៕ [WEBSITE](https://link.ams.com.kh/6f1bad) | [TELEGRAM](https://link.ams.com.kh/a18e1a) | [FACEBOOK](https://link.ams.com.kh/9f0b6d) | [TIKTOK](https://link.ams.com.kh/d7ac6c) | [YOUTUBE](https://link.ams.com.kh/6a0b25)