第25届东盟法律高官会议11月9日举行 柬埔寨主办

ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ អញ្ជើញដឹកនាំកិច្ចប្រជុំ ដើម្បីពិនិត្យ និងពិភាក្សាលើការងារត្រៀមរៀបចំចូលរួមក្នុងកិច្ចប្រជុំឧត្តមមន្រ្តីច្បាប់អាស៊ានលើកទី២៥ (25th ASLOM) ===================== ទីស្តីការក្រសួងយុត្តិធម៌៖ នៅព្រឹកថ្ងៃពុធ ៩រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៤ ខែវិច្ឆិកា ឆ្នាំ២០២៦, ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ បានអញ្ជើញដឹកនាំកិច្ចប្រជុំ ដើម្បីពិនិត្យ និងពិភាក្សាលើការងារត្រៀមរៀបចំចូលរួមកិច្ចប្រជុំឧត្តមមន្រ្តីច្បាប់អាស៊ានលើកទី២៥ (25th ASLOM ) នៅថ្ងៃទី៩ ដល់១២ ខែវិច្ឆិកា ឆ្នាំ២០២៦។ កិច្ចប្រជុំនេះ មានការអញ្ជើញចូលរួមពី ឯកឧត្តមបណ្ឌិត ឃ្លោក ដារ៉ា អគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ អគ្គនាយករង អនុប្រធាននាយកដ្ឋានកិច្ចការច្បាប់ និងកិច្ចសហប្រតិបត្តិការអាស៊ាន ព្រមទាំងមន្ត្រីជំនាញ។ អង្គប្រជុំបានពិនិត្យ និងពិភាក្សាលើការងារួមមួយចំនួនដូចខាងក្រោម ៖ -ការងារឡូជីស្ទិក និងការទំនាក់ទំនងទៅស្ថាប័នពាក់ព័ន្ធ ដើម្បីត្រៀមខ្លួនជាស្រេចក្នុងការចូលរួមកិច្ចប្រជុំឧត្តមមន្រ្តីច្បាប់អាស៊ានលើកទី២៥ (25th ASLOM ) -ការងារខ្លឹមសាររួមមាន ឯកសារជំនួយស្មារតី របាយការណ៍វឌ្ឍនភាពរបស់កម្ពុជាសម្រាប់កិច្ចប្រជុំឧត្តមមន្រ្តីច្បាប់អាស៊ានលើកទី២៥ (25thASLOM) និង​​សន្ទរកថា​សម្រាប់គណៈប្រតិភូកម្ពុជា។