爱喜利达银行在亡人节期间，组织1.2万名员工向全国240座寺

អនុមោទនា ពិធីបុណ្យកាន់បិណ្ឌ និងភ្ជុំបិណ្ឌ។ នាថ្ងៃសៅរ៍ ៧រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែតុលា ឆ្នាំ២០២៦ ថ្នាក់ដឹកនាំ និងបុគ្គលិកទាំងអស់ ចំនួនជាង ១២០០០នាក់ របស់ធនាគារ អេស៊ីលីដា ដែលជាធនាគារខ្មែរ និងជាប្រជាធនាគារដែលលោកអ្នកជឿទុកចិត្ត ទាំង២៦៣សាខា នៅទូទាំងប្រទេស បានចូលរួមជាមួយពុកម៉ែបងប្អូនប្រជាពលរដ្ឋខ្មែរ ប្រារព្ធ​ពិធីបុណ្យកាន់បិណ្ឌ និងភ្ជុំបិណ្ឌ នៅថ្ងៃកាន់បិណ្ឌវេនទី៧ នេះចំនួន ២៤០វត្ត ដោយបានប្រគេនទេយ្យទាន និងបច្ច័យសរុបចំនួន ១៦៧ លានរៀល ដើម្បីឧទ្ទិសកុសលដល់បុព្វការីជន ដែលបានចែកឋាន និងវីរកងទ័ពជួរមុខកម្ពុជា ដែលបានពលីជីវិតក្នុងបុព្វហេតុការពារជាតិ ទៅកាន់លោកខាងមុខ ព្រមទាំងចូលរួម​ចំណែករក្សាទំនៀមទម្លាប់-ប្រពៃណីខ្មែរដ៏ល្អផូរផង់។ សូម​ឱ្យកុសលផលបុណ្យនេះ​ បាន​នូវ​សិរីមង្គល វិបុលសុខមហាប្រសើរ និងសេចក្ដី​ចម្រើនរុងរឿង ដល់​អតិថិជន​ និងប្រជាពលរដ្ឋទាំងអស់ កុំបីឃ្លៀងឃ្លាតឡើយ។ #PchumBen