旅游部与海南代表团达成合作 拟开通金边暹粒直飞海口

ឯកឧត្តម ទិត ចន្ថា រដ្ឋមន្រ្តីស្តីទី តំណាងដ៏ខ្ពង់ខ្ពស់​របស់ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានទទួលជួបប្រជុំជាមួយគណប្រតិភូមកពីខេត្តហៃណាន នៃសាធារណរដ្ឋប្រជាមានិតចិន ដឹកនាំដោយ​លោក LY GUO HONG សមាជិកនៃគណៈកម្មាធិ​ការ​​ជាតិលើកទី១៤ នៃសន្និសីទប្រឹក្សានយោបាយ​ប្រជាជនចិន ដោយមានការសម្របសម្រួលពីអ្នក​ឧកញ៉ា លី ឃុនថៃ ជាប្រធានក្រុមប្រឹក្សាភិបាលក្រុម​ហ៊ុន Cambodia Alpha Group ដោយមានការ​ចូល​រួមពី​​​ឯកឧត្តមរដ្ឋលេខាធិការ អនុរដ្ឋលេខាធិការ តំណាងអគ្គនាយក ប្រធាននាយកដ្ឋាន អនុប្រធាន​នាយកដ្ឋាន និងអ្នកពាក់ព័ន្ធជាច្រើនរូបទៀត។ ភាគី​ទាំងពីរបានពិភាក្សា និងឯកភាពគ្នាដូចខាងក្រោម៖ ១-ជំរុញការហោះហើរត្រង់ភ្នំពេញ និងហៃគូវ និងសិក្សាការតភ្ជាប់សៀមរាប និងហៃគូវ, ២- ការផ្សព្វផ្សាយការលើកលែងទិដ្ឋាការចំពោះទេសចរចិន, ៣- ស្នើសុំភាគីចិន ជំរុញការផ្សព្វផ្សាយវទេសចរចិននៅខេត្តហៃណាន មកទស្សនាកម្ពុជា ឱ្យបានប្រមាណ ១០% (១០០លាននាក់), ៤- ជំរុញការផ្សព្វផ្សាយទេសចរណ៍តាមរយៈប្រជាជន និងប្រជាជន «កម្ពុជា-ហៃណាន» និង៥- ឯកភាព និងផ្តល់វីដេអូផ្សព្វផ្សាយទេសចរណ៍គ្នាទៅវិញទៅមក ពិសេសការផ្សព្វផ្សាយ Video Spot Visa Free for Chinese Tourist។ ក្នុងនោះ ឯកឧត្តម ទិត ចន្ថា រដ្ឋមន្រ្តីស្តីទី និងលោក LY GUO HONG បានធ្វើជាសាក្សី ក្នុងពិធីចុះហត្ថលេខាលើអនុស្សរណៈយោគយល់គ្នា រវាងក្រុមហ៊ុន Hainan Airport Infrastructure Co., Ltd និងក្រុមហ៊ុន Joint Billion (Cambodia) Co., Ltd. ស្តីពីកិច្ចសហប្រតិបត្តិការលើកកម្ពស់សេវាកម្ម VIP នៅព្រលានយន្តហោះ ការបង្កើតប្រព័ន្ធគ្រប់គ្រងសេវាកម្មសមាជិកភាព។ ទីស្តីការក្រសួងទេសចរណ៍ នារសៀលថ្ងៃទី៨ ខែមិថុនា ឆ្នាំ២០២៦ #Cambodia #greenseasoncambodia #SolidaritySeason #ministryoftourismcambodia #huothak