习近平在北京主持七一勋章颁授仪式 表彰杰出党员

អគ្គលេខាធិការបក្សកម្មុយនីស្តចិន លោក ស៊ី ជិនពីង នៅថ្ងៃពុធនេះ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបំពាក់ «មេដាយ ១កក្កដា» (July 1 Medal) ជូនដល់សមាជិកបក្សគំរូ នៅវិមានប្រជាជន ក្នុងទីក្រុងប៉េកាំង។កម្មវិធីនេះបានកើតឡើងចំពេលដែលបក្សកុម្មុយនីស្តចិន (CPC) កំពុងរៀបចំកម្មវិធីអបអរសាទរខួបលើកទី១០៥ នៃការបង្កើតបក្ស។ មេដាយនេះជាគ្រឿងឥស្សរិយយសលំដាប់ខ្ពស់បំផុតមួយរបស់ជាតិ ដែលត្រូវប្រគល់ជូនរៀងរាល់ ៥ឆ្នាំម្តង ដល់បុគ្គលឆ្នើមៗ ដូចជាយុទ្ធជនជើងចាស់ គ្រូបង្រៀន និងបុគ្គលិកសុខាភិបាល ដែលបានលះបង់កម្លាំងកាយចិត្តដើម្បីប្រជាជន។ តាមប្រភពពី ប្រព័ន្ធផ្សព្វផ្សាយរដ្ឋចិនCCTV+ លក្ខណៈពិសេសនៃមេដាយនេះគឺប្រើប្រាស់ខ្សែបូធ្វើពីក្រណាត់ត្បាញ ដែលជាការរចនាស្នើឡើងដោយផ្ទាល់ដោយលោក ស៊ី ជិនពីង ដើម្បីរំលឹកសមាជិកបក្សគ្រប់រូបមិនឱ្យភ្លេចពី «បំណងប្រាថ្នាដើម» ព្រមទាំងមានរូបរាងបង្កប់ដោយនិមិត្តសញ្ញាសំខាន់ៗ ដូចជាសញ្ញាបក្ស ផ្កាឈូករ័ត្ន និងតារាប្រាំជ្រុង ដែលឆ្លុះបញ្ចាំងពីសាមគ្គីភាព និងវិបុលភាពរបស់ជាតិ។