卫生部推进同一健康战略 整合跨部门数据管理与防疫协作

កិច្ចប្រជុំស្តីពី​វឌ្ឍនភាព​ នៃ​ផែន​ការ​សកម្មភាព​ ក្រោមគម្រោងសុខភាពតែមួយនៅកម្ពុជា។ —— រាជធានីភ្នំពេញ៖ នារសៀលថ្ងៃអង្គារ ទី០៧ ខែកក្កដា ឆ្នាំ២០២៦ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការ និងជាប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយ បានដឹកនាំកិច្ចប្រជុំ ស្តីពីការពិនិត្យមេីល​វឌ្ឍនភាព​ នៃ​ផែន​ការ​សកម្មភាព​ក្រោមគម្រោងសុខភាពតែមួយនៅកម្ពុជា។ គោលបំណង កិច្ចប្រជុំ៖ -ពិភាក្សា​ និង​ពិនិត្យ​ លេី​ការ​រៀបចំ​ផែនការ​យុទ្ធសាស្ត្រ​ សម្រាប់សុខភាព​តែ​មួយ​នៅ​កម្ពុជា​ និង​ផ្សព្វផ្សាយ​ដាក់​ដំណើរការ​ជា​ផ្លូវការ​ -ពិភាក្សា​លេីការ​កំណត់​ទីតាំង​ និង​ការ​ គ្រប់​គ្រង​ ទិន្នន័យ​ រួម​គ្នា​ ជា​មួយ​ក្រសួង​ទាំង​បី​  (Data​Management ) ក្នុងការអនុវត្តគម្រោងសុខភាពតែមួយ -ត្រៀម​អនុវត្ត​ផែនការសកម្មភាពប្រចាំឆ្នាំ នៃគម្រោងសុខភាពតែមួយ​ក្រោយ​ពី​ទទួល​បាន​នូវ​ការ​អនុម័ត​ ពី​ក្រសួង​សេដ្ឋកិច្ច​និង​ហិរញ្ញវត្ថុ​ -ការត្រៀមរៀបចំកម្មវិធីកិច្ចសហប្រតិបត្តិការក្នុងក្របខណ្ឌគំនិតផ្គួចផ្តើម One Health នាអំឡុងខែវិច្ឆិកា ឆ្នាំ២០២៦ ( សន្និសីទ​ Francophonie ) -កិច្ចការងារ ​និង​ទិសដៅ​បន្ត កិច្ចប្រជុំនេះ មានការអញ្ជើញចូលរួមពី ឯកឧត្តមវេជ្ជ. ស៊ុង វិនតៈ រដ្ឋលេខាធិការ និងអនុប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយ ឯកឧត្តមវេជ្ជ. ហុក គឹមចេង អគ្គនាយកបច្ចេកទេសសុខាភិបាល និងជាប្រធានលេខាធិការដ្ឋាន នៃគណៈកម្មការអន្តរក្រសួងសម្រាប់សម្របសម្រួលសុខភាពតែមួយ ឯកឧត្តម ជិន វិសាល អគ្គលេខាធិការ និងលោក លោកស្រី តំណាងក្រសួងសុខាភិបាល ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)