楚恩本春自费修缮波礼县道路与水渠

លោកឧត្តមសេនីយ៍ទោ ឈឿន ប៊ុនឆន ចុះពិនិត្យផ្លូវលំ និងប្រឡាយទឹកនៅស្រុកពាមរក៍ ប្រកាសយកគ្រឿងចក្រ និងថវិកាផ្ទាល់ខ្លួនចូលជួសជុលជូនប្រជាពលរដ្ឋ.... ព្រៃវែង៖ នាព្រឹកថ្ងៃទី២៥ ខែសីហា ឆ្នាំ២០២៦ លោកឧត្តមសេនីយ៍ទោ ឈឿន ប៊ុនឆន ក្នុងនាមជាប្រធានក្រុមការងាររាជរដ្ឋាភិបាលចុះជួយឃុំព្រៃកណ្តៀង ស្រុកពាមរក៍ ខេត្តព្រៃវែង បានដឹកនាំក្រុមការងារចុះពិនិត្យស្ថានភាពផ្លូវលំ និងប្រឡាយទឹកមួយចំនួន ដែលជាតម្រូវការចាំបាច់របស់ប្រជាពលរដ្ឋក្នុងមូលដ្ឋាន។ ក្នុងឱកាសនោះ លោកឧត្តមសេនីយ៍ទោ ឈឿន ប៊ុនឆន បានយកចិត្តទុកដាក់ស្តាប់សំណូមពរ និងបញ្ហាប្រឈមរបស់ប្រជាពលរដ្ឋ ពាក់ព័ន្ធនឹងការប្រើប្រាស់ផ្លូវ និងប្រព័ន្ធប្រឡាយទឹកសម្រាប់បម្រើដល់ការរស់នៅ និងការងារកសិកម្ម។ លោកបានបញ្ជាក់ថា មិនឱ្យលើសពីសប្តាហ៍នេះទេ គ្រឿងចក្រ និងថវិកាផ្ទាល់ខ្លួន នឹងត្រូវយកមកប្រើប្រាស់ ដើម្បីចុះកាយស្តារប្រឡាយ នាំទឹក និងជួសជុលផ្លូវជូនប្រជាពលរដ្ឋ តាមសំណូមពរដែលបានលើកឡើង។ សកម្មភាពនេះត្រូវបានចាត់ទុកថា ជាការយកចិត្តទុកដាក់ដោះស្រាយបញ្ហាជាក់ស្តែងនៅមូលដ្ឋាន និងរួមចំណែកជួយសម្រួលដល់ការធ្វើដំណើរ ក៏ដូចជាការប្រើប្រាស់ទឹករបស់ប្រជាពលរដ្ឋក្នុងឃុំព្រៃកណ្តៀង ស្រុកពាមរក៍ ខេត្តព្រៃវែង៕ (ពីខ្ញុំប៊ុនធឿនហៅខ្លាពីរ)