国际油价波动上涨 逼近100美元/桶

អាម៉េរិក បង្ហាញវីដេអូវាយប្រហារនាវាដឹកប្រេងអ៊ីរ៉ង់ ៥គ្រឿង ខណៈតម្លៃប្រេងឡើងជិត ១០០ដុល្លារ/បារ៉ែល ទីបញ្ជាការកណ្តាលអាម៉េរិក (CENTCOM) បានបញ្ចេញវីដេអូវាយប្រហារនាវាដឹងប្រេងធំៗរបស់អ៊ីរ៉ង់ចំនួន ៥ គ្រឿង ដោយក្នុងនោះមាននាវាដឹកប្រេងអ៊ីរ៉ង់ចំនួនបួនគ្រឿងត្រូវបានវាយប្រហារនៅក្នុងឈូងសមុទ្រអូម៉ង់ និងមួយគ្រឿងវាយប្រហារនៅជិតកោះ Kharg ដែលជាទីតាំងប្រេងដ៏សំខាន់មួយនៅឆ្នេរសមុទ្រអ៊ីរ៉ង់។ រដ្ឋមន្ត្រីការបរទេសអាម៉េរិក លោក Marco Rubio អះអាងថាការវាយប្រហារនេះគឺដើម្បីឆ្លើយតបទៅកាន់អ៊ីរ៉ង់ដែលបន្តព្យាយាមវាយប្រហារនាវាកងទ័ពជើងទឹកអាម៉េរិក។លោកថារាល់ពេលដែលអ៊ីរ៉ង់ព្យាយាមធ្វើបែបនេះ ពួកគេនឹងបាត់បង់នាវាដឹកប្រេង។ ជាការឆ្លើយតបអ៊ីរ៉ង់បាញ់មីស៊ីលទៅលើមូលដ្ឋានអាម៉េរិកមួយនៅហ្ស៊កដានី ខណៈហ្ស៊កដានីអះអាងថា ខ្លួនបានបាញ់ទម្លាក់មីស៊ីលអ៊ីរ៉ង់ចំនួន ១៨ គ្រាប់ក្នុងចំណោម ២០ គ្រាប់ជាមួយនឹងប្រព័ន្ធការពារដែនអាកាសរបស់ខ្លួន។ អ្នកនាំពាក្យផ្លូវការរបស់កងកម្លាំងប្រដាប់អាវុធហ្ស៊កដានីបាននិយាយថា មីស៊ីលពីរគ្រាប់ដែលអ៊ីរ៉ង់បាញ់ឆ្ពោះទៅហ្ស៊កដានីបានធ្លាក់នៅតំបន់ដែលគ្មានមនុស្សរស់នៅ។ គួររម្លឹកថាតម្លៃប្រេងបានកើនឡើងក្នុងការជួញដូរដំបូងនៅអាស៊ីជាថ្មីម្តងទៀត ដោយប្រេងឆៅប្រភេទ Brent បានកើនឡើង ១.៥%