英国驻柬使馆考察边境三省 评估安全局势与社区影响

ស្ថានទូតអង់គ្លេសបន្តតាមដានស្ថានភាពព្រំដែន និងចូលរួមដំណើរទស្សនកិច្ចតាមបណ្តាខេត្តជាប់ព្រំដែន ស្ថានទូតអង់គ្លេសប្រចាំកម្ពុជា បានបញ្ជាក់ថា ខ្លួននៅតែបន្តតាមដានយ៉ាងជាប់លាប់នូវស្ថានភាពនៅតាមតំបន់ព្រំដែន និងផលប៉ះពាល់ដែលកើតមានទៅលើសហគមន៍មូលដ្ឋាន។ តាមការឲ្យដឹង ស្ថានទូតកំពុងចូលរួមក្នុងដំណើរទស្សនកិច្ចរបស់កងអនុពន្ធ័យោធាបរទេស ដែលរៀបចំឡើងក្នុងសប្តាហ៍នេះ ដោយធ្វើដំណើរទៅកាន់ខេត្តពោធិ៍សាត់ បន្ទាយមានជ័យ និងឧត្តរមានជ័យ ដើម្បីទទួលបានព័ត៌មានថ្មីៗអំពីស្ថានភាពជាក់ស្តែង និងបង្កើនការយល់ដឹងអំពីផលប៉ះពាល់នៅក្នុងតំបន់។ ស្ថានទូតអង់គ្លេសក៏បានថ្លែងអំណរគុណដល់ក្រសួងការពារជាតិកម្ពុជា ដែលបានសហការរៀបចំដំណើរទស្សនកិច្ចនេះ និងបង្ហាញឆន្ទៈក្នុងការចែករំលែកទស្សនៈជាមួយសហគមន៍អន្តរជាតិ។ សកម្មភាពនេះ ត្រូវបានចាត់ទុកថាជាផ្នែកមួយនៃកិច្ចសហប្រតិបត្តិការអន្តរជាតិ ក្នុងការតាមដាន និងវាយតម្លៃស្ថានភាពសន្តិសុខតាមតំបន់ព្រំដែន។