柬埔寨国防部组织多国武官考察达山边境争议区

អនុព័ន្ធយោធាប្រទេសធំៗ អាម៉េរិក ចិន រុស្ស៊ី ជប៉ុន អូស្ត្រាលី ទៅដល់តំបន់ថ្មដា ទីយោធាថៃឈ្លានពានដាក់ទូកុងតឺន័រលើដីកម្ពុជា ក្រសួងការពារជាតិកម្ពុជា នៅថ្ងៃទី២៨ ខែមេសា បានសម្របសម្រួលដំណើរទស្សនកិច្ចលើកទី២ប្រចាំឆ្នាំ២០២៦ របស់ក្រុមអនុព័ន្ធយោធាបរទេស (MACPP) ប្រចាំកម្ពុជា ចុះសង្កេតការណ៍នៅច្រកជ័យជំនះ ឃុំថ្មដា ស្រុកវាលវែង ខេត្តពោធិ៍សាត់ នៃប្រទេសកម្ពុជា ទីដែលកងទ័ពថៃបានកាន់កាប់ដោយខុសច្បាប់ ហើយបន្តដាក់ពង្រាយទូកុងតឺន័រ និងបន្លាលួស។ អនុព័ន្ធយោធាបរទេសប្រចាំនៅកម្ពុជាដែលចុះទៅទីនោះ មកពីប្រទេសធំៗដូចជា ដូចជាអនុពន្ធយោធាសហរដ្ឋអាម៉េរិក ចិន រុស្ស៊ី ជប៉ុន អូស្ត្រាលី និងអនុព័ន្ធយោធារបស់បណ្ដាប្រទេសតំបន់អាស៊ាន។ អ្នកនាំពាក្យក្រសួងការពារជាតិអះអាងថា រាជរដ្ឋាភិបាល និងក្រសួងការពារជាតិ នៃព្រះរាជាណាចក្រកម្ពុជានៅតែប្តេជ្ញាចិត្តយ៉ាងមុតមាំក្នុងការដោះស្រាយបញ្ហាព្រំដែនទាំងអស់តាមសន្តិវិធី ស្របតាមច្បាប់អន្តរជាតិ និងកិច្ចព្រមព្រៀងទ្វេភាគី ដែលពាក់ព័ន្ធ ព្រមទាំងប្រកាន់ខ្ជាប់យ៉ាងម៉ឺងម៉ាត់នូវសេចក្តីប្រកាសរួម នៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅ (GBC) ចុះថ្ងៃទី ២៧ ខែធ្នូ ឆ្នាំ២០២៥។