柬埔寨参议院明日审议兵役法草案 涉及国民服兵役义务

គណៈអចិន្ត្រៃយ៍ព្រឹទ្ធសភា នឹងប្រជុំពិនិត្យ និងឱ្យយោបល់លើសេចក្តី​ព្រាងច្បាប់ស្តីពី«កាតព្វកិច្ចយោធា»នៅព្រឹកស្អែក គណៈកម្មាធិការអចិន្ត្រៃយ៍ព្រឹទ្ធសភា នឹងរៀបចំកិច្ចប្រជុំ នៅព្រឹកថ្ងៃទី១៣​ ខែឧសភា​ ដេីម្បីពិនិត្យសំណើរបស់រដ្ឋសភា សុំពិនិត្យហើយឱ្យយោបល់លើសេចក្តីព្រាងច្បាប់ស្តីពី កាតព្វកិច្ចយោធា​ ដែលសភាអនុម័តនៅថ្ងៃនេះ។ នេះបេីយោងតាមសេចក្តីប្រកាសព័ត៌មានរបស់ព្រឹទ្ធសភា។ ក្រៅពីសេចក្តីព្រាងច្បាប់ស្តីពីកាតព្វកិច្ចយោធា​ គណៈកម្មាធិការអចិន្ត្រៃយ៍ព្រឹទ្ធសភា​ ក៏ពិនិត្យ​ និងឱ្យយោបល់​ លើសេចក្តីព្រាងច្បាប់ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុនអគ្គិសនីវៀតណាមនៃសាធារណរដ្ឋសង្គមនិយមវៀតណាម សម្រាប់ការធានាលើការទិញថាមពលអគ្គិសនីពីប្រទេសវៀតណាមផងដែរ។ របៀបវារៈមួយទៀតក្នុងកិច្ចប្រជុំថ្ងៃស្អែកដែរ​ គឺគណៈកម្មាធិការ អចិន្ត្រៃយ៍​ព្រឹទ្ធសភា​ និងពិនិត្យ និងសម្រេចលើរបាយការណ៍ស្តីពីសកម្មភាព និងលទ្ធផលការងាររបស់ព្រឹទ្ធសភា នៅចន្លោះសម័យប្រជុំលើកទី៤ និងលើកទី៥ ព្រឹទ្ធសភានីតិកាលទី៥។