外交部公务员选拔面试将于6月14日在皇家行政学院举行

សួស្តីបេក្ខជនទាំងអស់ ដែលត្រូវចូលរួមការប្រឡងវិញ្ញាសាសួរផ្ទាល់មាត់ សម្រាប់ការប្រឡងប្រជែងជ្រើសរើសមន្ត្រីរាជការ ចូលបម្រើការងារក្នុងក្របខ័ណ្ឌក្រសួងការបរទេស និងសហប្រតិបត្តិការអន្តរជាតិ! ដើម្បីធានាថាអ្នកទាំងអស់គ្នារួចរាល់ សម្រាប់ការប្រឡងនៅថ្ងៃស្អែក នេះជាព័ត៌មានសង្ខេបសំខាន់ៗ ដែលអ្នកត្រូវដឹង៖ - សម័យប្រឡង៖ ១៤ មិថុនា ២០២៦ - មណ្ឌលប្រឡង៖ សាលាភូមិន្ទរដ្ឋបាល - ម៉ោង ៧:០០ ព្រឹក៖ ចាប់ផ្តើមដំណើរការប្រឡងវិញ្ញាសាសួរផ្ទាល់មាត់។ - បេក្ខជនត្រូវមកដល់រង់ចាំក្នុងបន្ទប់អង្គរធំ (អគារកណ្តាល ជាន់ទី២) មុន ១ម៉ោងនៃម៉ោងប្រឡងដែលបានកំណត់របស់ខ្លួន។ ការចូលបន្ទប់ប្រឡង គឺធ្វើឡើងដោយប្រើលេខសម្គាល់ និងតាមលំដាប់លេខរៀងដែលសាមីខ្លួនចាប់បាន។ - សូមបេក្ខជនពិនិត្យ និងផ្ទៀងផ្ទាត់ឈ្មោះរបស់ខ្លួនតាមរយៈ https://www.facebook.com/share/p/18e8Kxgda7/ ដំណើរការនៃការប្រឡង៖ - ការប្រឡងផ្ទាល់មាត់មានរយៈពេល ២០នាទី សម្រាប់បេក្ខជនម្នាក់ៗ។ - លទ្ធផលស្ថាពរនៃការប្រឡង នឹងត្រូវប្រកាសនា ថ្ងៃទី១៤ ខែមិថុនា ឆ្នាំ២០២៦ នេះតែម្តង។ សូមបេក្ខជនទាំងអស់ថែរក្សាសុខភាពឱ្យបានល្អ សម្រាកឱ្យបានគ្រប់គ្រាន់យប់នេះ និងរៀបចំឯកសារចាំបាច់ឱ្យបានរួចរាល់។ ជូនពរអ្នកទាំងអស់គ្នាទទួលបានលទ្ធផលល្អ និងជោគជ័យសម្រាប់ការប្រឡងនៅថ្ងៃស្អែក!