柴桢省警官因滥用职权被移送法办

សមត្ថកិច្ច​នគរបាល​នាយកដ្ឋាន​ព្រហ្មទណ្ឌ​ ក្រសួង​មហាផ្ទៃ​ នៅព្រឹក​ថ្ងៃទី​ ៤​ ខែ​ កញ្ញា​ ឆ្នាំ​ ២០២៦​ នេះ​ បាន​បញ្ជូន​ឈ្មោះ​ សុខ​ ធន់​ អ្នក​បេីកបររថយន្ត​លោក​ ឈុន​ ឆាង​ ទៅដល់​អយ្យការ​អមសាលាដំបូងខេត្ត​ស្វាយរៀងហេីយ​ ដេីម្បី​ចាត់ការ​បន្ត​តាម​និតិវិធីច្បាប់​ ។ តាមការ​បង្ហើប​ពី​សមត្ថកិច្ច​បាន​អោយដឹងថា​ បន្ទាប់​ពី​សាកសួរ​ចម្លើយ​ឈ្មោះ​ សុខ​ ធន់​ រួចហើយ​ សមត្ថកិច្ចបាន​សន្និដ្ឋានថា លោក​ ឈុន ឆាង នាយការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត ស្វាយរៀង ពិតជាមានការពាក់ព័ន្ធនឹង បទកំហែងយក និង​ រំលោភ​អំណាច​ ដោយសារបានប្រើអំណាចជាសមត្ថកិច្ចដេញឃាត់ រថយន្ត ដឹកក្រណាត់យកទៅទុកនៅផ្ទះជួលរបស់ខ្លួន ដោយគ្មានដីកា គ្មានបញ្ហាពីព្រះរាជអាជ្ញា និងគ្មាន កំណត់ហេតុ ដើម្បីមានគំនាបទៅលើម្ចាស់ទំនិញ នឹងមានការបញ្ជាឲ្យដោះលែងក្រោយពីឈ្មោះ សុខ ធន់ បានទទួលប្រាក់ពីម្ចាស់ទំនិញ ។​ ចំណែក​ ឈ្មោះ សុខ ធន់ ពិតជាមានការពាក់ព័ន្ធនឹង បទសមគំនិតក្នុងអំពើកំហែងយក ដោយហេតុថា បានចូលរួមធ្វើសកម្មភាពសម្របសម្រួលក្នុងការទទួលយកប្រាក់ចំនួន ៩,០០០$ ពីដើមបណ្ដឹងនៅផ្ទះជួល របស់ លោក​ ឈុន ឆាង និងបាននាំយកប្រាក់ដែលជាផលនៃបទល្មើសនោះទៅលាក់ទុកនៅឯស្រុកកំណើត។ នេះហេីយ​លទ្ធផល​យកតួនាទី​ភារកិច្ច​ទៅរកលុយ​ដោយខុសច្បាប់​ គឺគ្មាន​បានអ្វ​ី​ក្រៅតែ​ពីអាប់ឱនកិត្តិយស​ ទទួល​ទណ្ឌកម្ម​តាមផ្លូវច្បាប់​ អស់​ការងារ​ធ្វើ​ ស្រួល​មិនស្រួល​ជាប់​ពន្ធនាគារ​យូរ​ឆ្នាំ​ទៀត​ ។