柬埔寨政府持续推进公共职能改革

**[WATCH] **ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានលើកឡើងថា កំណែទម្រង់មុខងារសាធារណៈ នៅតែជាការងារដ៏សំខាន់របស់រាជរដ្ឋាភិបាលដែលសម្តេចធិបតី នាយករដ្ឋមន្ត្រីផ្តោតការយកចិត្តទុកដាក់ខ្លាំង គឺការរៀបចំប្រឡងប្រជែងជ្រើសរើសមន្ត្រីរាជការនិងមន្ត្រីផ្អែកលើកិច្ចព្រមព្រៀងការងារចំនួន ៥៨លើកកន្លងទៅនេះ សម្រាប់ក្រសួងស្ថាប័នចំនួន ១២ ដែលមានបេក្ខជនដាក់ពាក្យប្រឡងសរុបជិត ៣០ម៉ឺននាក់ ខណៈដែលការចុះធ្វើជំរឿនមន្ត្រីជាក់ស្តែងនៅតាមរចនាសម្ព័ន្ធរបស់ក្រសួង ស្ថាប័ន ចំណុះអង្គការនីតិប្រតិបត្តិ បានបញ្ចប់ចំនួន ២១ ក្រសួង ស្ថាប័នហើយ មកទល់ពេលនេះ។   ឯកឧត្តម បានលើកឡើងដូចនេះ នៅក្នុងវេទិកាសារព័ត៌មានលើកទី៩ ស្តីពី «សមិទ្ធផល ៣ឆ្នាំនៃរាជរដ្ឋាភិបាលនីតិកាលទី៧ ទោះជាមានឧបសគ្គធំៗចំពោះមុខ ដំណើរឆ្ពាះទៅសម្រេចចក្ខុវិស័យកម្ពុជាឆ្នាំ២០៥០ នៅតែបន្ត» នៅរសៀលថ្ងៃទី២១ ខែសីហា ឆ្នាំ ២០២៦នេះ។ [Website](https://www.tiktok.com/@btvcambodia) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)