实居省乌栋市基层党建工作推进 关注村级选举

ថ្ងៃអាទិត្យ ២រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៣០ ខែសីហា ឆ្នាំ២០២៦ ឯកឧត្តម លី ច័ន្ទតុលា ជាប្រធានក្រុមការងារចុះជួយសង្កាត់វាលពង់ និងលោកជំទាវ ឈីវ ភិរម្យ បានចាត់តាំងក្រុមការងារគណបក្សចុះមូលដ្ឋានភូមិក្រាំងពញា ភូមិផ្គរ និងភូមិទួល ចុះជួបប្រជុំជាមួយ អនុប្រធានប្រចាំការ អនុប្រធាន និងសមាជិកក្រុមការងារគណបក្សចុះមូលដ្ឋានភូមិ ក្នុងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។ ក្រុមការងារគណបក្សចុះមូលដ្ឋានភូមិបានពិភាក្សាទៅលើចំណុចសំខាន់ៗមួយចំនួនដូចខាងក្រោម៖ ១-ពិនិត្យលម្អិតអំពីស្ថានភាពគ្រួសាររបស់អង្គបោះឆ្នោតនៅក្នុងភូមិ (គ្រួសារចំណាកស្រុក ចំណូលថ្មី អ្នកដែលគ្រប់អាយុបោះឆ្នោត, សុពលភាពនៃអត្តសញ្ញាណប័ណ្ណ...) ដើម្បីកសាងសមាជិកបក្សតាមគ្រួសារនីមួយៗ និងពិនិត្យអំពីបញ្ហាប្រឈម សំណូមពរជាក់ស្តែងក្នុងមូលដ្ឋានភូមិ ដើម្បីឆ្លើយតប និងដោះស្រាយ។ ២.ការអនុវត្តផែនការសកម្មភាព ដើម្បីពង្រឹង និងពង្រីកសមាជិកគណបក្ស។ ៣-ជំរុញ និងសហការចូលរួមធ្វើស្ថិតិប៉ាន់ស្មានប្រជាពលរដ្ឋអាយុ១៨ឆ្នាំឡើង សម្រាប់ការពិនិត្យ បញ្ជីឈ្មោះ និងការចុះឈ្មោះបោះឆ្នោតប្រចាំឆ្នាំឱ្យបានគ្រប់ៗគ្នា ស្របតាមប្រតិទិននៃការចុះឈ្មោះបោះឆ្នោតរបស់ គ.ជ.ប។ ៤-ពិនិត្យទៅលើការងារសន្តិសុខ សុវត្ថិភាពភូមិដោយសង្កេតឃើញថាមិនមានករណី ល្មើសច្បាប់ គ្មានបញ្ហាក្មេងទំនើង ឬគ្រឿងញៀនចរាចរណ៍ក្នុងភូមិនោះទេ។ ៥-ក្រុមការងារចុះជួយភូមិបានពិនិត្យទៅលើអំពូលសឡា ដែលបានដំឡើងរួចរាល់ពីពេលកន្លងមកដោយឃើញថា នៅមានសភាពនៅតែភ្លឺច្បាស់ដដែល និងអាចដំណើរការទៅបានយ៉ាងល្អ។ ៦-ពិនិត្យទៅលើវឌ្ឍនភាព និងបញ្ហាប្រឈមនានាទាក់ទងនឹងការទៅដកប័ណ្ណកម្មសិទ្ធិ ក្នុងយុទ្ធនាការចុះចែកប័ណ្ណកម្មសិទ្ធិ។ បន្ទាប់ពីបញ្ចប់កិច្ចប្រជុំ ក្រុមការងារចុះមូលដ្ឋានភូមិទាំង៣ខាងលើ ក៏ដូចជាភូមិខ្ចាស់ និងថ្នាក់ដឹកនាំភូមិបានចុះចែកប័ណ្ណសមាជិកគណបក្ស ជូនដល់សមាជិកគណបក្សផងដែរ។ ស្របពេលជាមួយនឹងការចុះចែកប័ណ្ណសមាជិកគណបក្ស ឯកឧត្តម ឈា តុលា ជាប្រធានក្រុមការងារចុះមូលដ្ឋានភូមិខ្ចាស់ បានឧបត្ថម្ភថវិកាសម្រាប់ជួសជុលផ្លូវក្នុងភូមិខ្ចាស់ ចំនួន ១លានរៀល។