2026年文化艺术部传统技艺免费培训项目

ក្រសួងវប្បធម៌ និងវិចិត្រសិល្បៈ នឹងរៀបចំកម្មវិធីបណ្តុះបណ្តាលជំនាញវិជ្ជាជីវៈដូនតាដោយមិនបង់ថ្លៃសម្រាប់ឆ្នាំ២០២៦ ចាប់ពីខែឧសភា តទៅ នៅទីតាំងចំនួន១៣ ក្នុងខេត្តចំនួន៩ ដូចជា ខេត្តសៀមរាបកណ្តាល កំពង់ឆ្នាំង កំពង់ចាម កំពង់ធំ បន្ទាយមានជ័យ មណ្ឌលគិរី រតនគិរី និងព្រះវិហារ។ ជំនាញដែលនឹងបណ្តុះបណ្តាលនោះរួមមានតម្បាញសូត្រនិងអំបោះ តម្បាញក្រមាពណ៌ត្រុំ ប៉ាក់ឌិន ចម្លាក់ប្រាក់/ស្ពាន់ ចម្លាក់ស្បែក តម្បាញក្រណាត់ជនជាតិដើមភាគតិច ខ្មុកស្មាច់ ខ្មុកម្រក្សណ៍ តម្បាញកន្ទេលផ្អាវ ស្មូនឆ្នាំង ចម្លាក់ពុម្ព កុលាលភាជន៍ និងគំនូរបុរាណ។ ចំពោះសិស្សដែលមកពីគ្រួសារក្រីក្រដែលមានបណ្ណសមធម៌ និងគ្រួសារងាយរងហានិភ័យ រាជរដ្ឋាភិបាលនឹងឧបត្ថម្ភប្រាក់ចំនួន២៨០,០០០(ម្ភៃប្រាំបីម៉ឺន) រៀលក្នុងមួយខែ តែត្រូវបំពេញលក្ខខណ្ឌសិក្សាឲ្យបានត្រឹមត្រូវ។