金边皇家大学媒体与传播系参加AUN-QA评估培训

ក្រុមការងាររៀបចំរបាយការណ៍ស្វ័យវាយតម្លៃ (SAR) សម្រាប់ការវាយតម្លៃកម្មវិធីកម្រិតស្តង់ដារគុណភាពអប់រំតំបន់អាស៊ាន (AUN-QA Programme Assessment) នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ (RUPP) កំពុងចូលរួមក្នុងវគ្គបណ្តុះបណ្ដាលស្តីពី «ការសរសេររបាយការណ៍ស្វ័យវាយតម្លៃសម្រាប់ភាពជោគជ័យក្នុងការវាយតម្លៃកម្មវិធីកម្រិតស្តង់ដារគុណភាពអប់រំតំបន់អាស៊ាន (ជំនាន់ទី២)» ដែលប្រព្រឹត្តទៅនៅខេត្តសៀមរាប ចាប់ពីថ្ងៃទី២០ ដល់ទី២៣ ខែមេសា ឆ្នាំ២០២៦។ វគ្គបណ្តុះបណ្តាលនេះគឺជាផ្នែកដ៏សំខាន់មួយ ក្នុងការត្រៀមខ្លួនរបស់ដេប៉ាតឺម៉ង់ សម្រាប់ការវាយតម្លៃកម្រិតស្តង់ដារគុណភាពអប់រំតំបន់អាស៊ាន (AUN-QA) លើកម្មវិធីសិក្សាថ្នាក់បរិញ្ញាបត្រ ជំនាញគ្រប់គ្រងប្រព័ន្ធផ្សព្វផ្សាយ។ ការចូលរួមនេះបានឆ្លុះបញ្ចាំងពីការប្តេជ្ញាចិត្ត និងការខិតខំប្រឹងប្រែងរបស់ដេប៉ាតឺម៉ង់ ក្នុងការធានាថានឹងអាចផ្តល់ជូនការអប់រំប្រកបដោយគុណភាព ស្របតាមចក្ខុវិស័យរបស់សាកលវិទ្យាល័យភូមិន្ទភ្នំពេញ ដើម្បីឈានទៅសម្រេចឱ្យបានស្តង់ដារគុណភាពតំបន់អាស៊ាន។ #RUPP