柬埔寨环境部实验室接收61名高校实习生

[来源: 柬埔寨国家电视台] [分类提示: NEWS] 标题: មន្ទីរពិសោធន៍ក្រសួងបរិស្ថាន ទទួលនិស្សិតចុះកម្មសិក្សា មកពីសាកលវិទ្យាល័យភូមិន្ទភ្នំពេញ វិទ្យាស្ថានបច្ចេកវិទ្យាកម្ពុជា និងវិទ្យាស្ថានជាតិបច្ចេកវិទ្យាប្រទេសជប៉ុន ភ្នំពេញ ៖ មន្ទីរពិសោធន៍ក្រសួងបរិស្ថាន បានចូលរួមចំណែកលើការពង្រឹងធនធានមនុស្ស តាមរយៈការផ្តល់ឱកាសដល់និស្សិត មកពីបណ្តាលសាកលវិទ្យាល័យទាំងក្នុង និងក្រៅប្រទេស។ គិតមកត្រឹមថ្ងៃទី១០ ខែសីហា ឆ្នាំ២០២៦ នេះ មន្ទីរពិសោធន៍ក្រសួងបរិស្ថាន ទទួលនិស្សិតចុះកម្មសិក្សាសរុបចំនួន ៦១នាក់ មកពីសាកលវិទ្យាល័យភូមិន្ទភ្នំពេញ វិទ្យាស្ថានបច្ចេកវិទ្យាកម្ពុជា និងវិទ្យាស្ថានជាតិបច្ចេកវិទ្យាប្រទេសជប៉ុន។ ក្នុងអំឡុងពេលចុះកម្មសិក្សា និស្សិតទាំងអស់បានស្វែងយល់អំពីប្រភពនៃការបំពុលបរិស្ថាន ការសិក្សាអំពីលក្ខណៈរូប និងលក្ខណៈគីមីការសំណាក និងបានវិភាគគុណភាពទឹកលើការប៉ារ៉ាម៉ែត្រ កម្រិតអាស៊ីត-បាស(pH) បរិមាណសាធាតុរឹងអណ្តែតក្នុងទឹក(TSS) តម្រូវការអុកស៊ីសែនបែបគីមីជីវៈ(BOD) តម្រូវការអុកស៊ីសែនបែបគីមី(COD) បរិមាណអាសូតសរុប(TN) បរិមាណផូស្វ័រសរុប(TP) និងការពិនិត្យប្រេង និងខ្លាញ់ក្នុងទឹក។ បន្ថែមពីនេះ និស្សិតទាំងអស់ ក៏បានអនុវត្តការយក និងរក្សាទុកសំណាក និងការធ្វើការវិភាគលើសំណាកផ្សេងទៀតដូចជា សំណាកដី បន្លែ ផ្លែឈើជាដើម៕ 作者: វិចិត្រ 分类: ព័ត៌មានជាតិ