贡布省“西哈餐厅”：以传统石磨作为装饰与文化保护载体

អាហារដ្ឋានសីហា នៅខេត្តកំពង់ស្ពឺ ប្រើ«ត្បាល់កិនស្រូវបុរាណ» ជាគ្រឿងលម្អផង និងអភិរក្សផង កំពង់ស្ពឺ៖ អាហារដ្ឋានសីហា នៅខេត្តកំពង់ស្ពឺ ជាហាងតុបតែងដោយវត្ថុបុរាណច្រើន ជាពិសេសមាន៣មុខដូចជា ឧបករណ៍សោតទស្សន៍ចាស់ៗ យានជំនិះចាស់ៗ និងវត្ថុប្រើប្រាស់ចាស់ៗ។ ក្នុងចំណោមវត្ថុទាំងអស់នោះ មានមួយចំនួនដែលទាក់ទងនឹងស្បៀងអាហារ នោះគឺត្បាល់កិនស្រូវបុរាណ ដែលវាស័ក្តិសម ក្នុងហាងមួយ ដែលរៀបចំអាហារ។ ក្រៅពីប្រើគ្រឿងលម្អហើយនោះ អាហារដ្ឋានសីហា ក៏កំពុងអភិរក្សវត្តមានត្បាល់បុរាណនេះ ឱ្យនៅស្ថានភាពល្អប្រសើរយូរឆ្នាំទៀតដែរ។ ខាងក្នុងត្បាល់កិនស្រូវបុរាណនេះ មានថ្មធម្មជាតិរាងមូលពីរដុំ ត្រួតលើពីគ្នា។ ខាងក្រៅ វាមានឫស្សីជុំវិញ និងជើងបួនធ្វើអំពីឈើ។ ក៏មានដងឈើមួយដ៏វែង ដើម្បីបង្វិលត្បាល់ ដោយប្រើកម្លាំងដៃ។ គេប្រើត្បាល់កិនស្រូវបែបនេះ កាលពីមុនប្រើម៉ាស៊ីន។