财经部发布公共投资项目数字生态系统架构框架

[English Below] ក្រសួងសេដ្ឋកិច្ចនិងហិរញ្ញវត្ថុ ប្រកាស​ដាក់​ឱ្យ​អនុវត្ត ក្របខ័ណ្ឌ​និម្មាបនកម្ម​ប្រព័ន្ធ​អេកូឡូស៊ី​ឌីជីថល​សម្រាប់​ការគ្រប់គ្រង​គម្រោង​វិនិយោគសាធារណៈ ដើម្បី​តម្រង់​ទិស​ជា​យុទ្ធសាស្រ្ត និង​ផ្តល់​នូវ​ប្លង់​និម្មាបនកម្ម ​សម្រាប់​ជា​មគ្គុទេសក៍​ក្នុង​ការអភិវឌ្ឍ​ប្រព័ន្ធ​អេកូឡូស៊ី​ឌីជីថល ​សម្រាប់​ការគ្រប់គ្រង​គម្រោង​វិនិយោគ​សាធារណៈ។ ក្របខ័ណ្ឌ​និម្មាបនកម្ម​នេះ, រៀបចំ​ឡើង​ស្របតាម​ការតម្រង់ទិស​ពី​ក្របខ័ណ្ឌ​គោលនយោបាយ​សេដ្ឋកិច្ច​និង​សង្គម​ឌីជីថល​កម្ពុជា ២០២១-២០៣៥, យុទ្ធសាស្ត្រ​បញ្ចុកោណ​ដំណាក់កាលទី ១ នៃ​រាជ​រដ្ឋាភិបាល​កម្ពុជា​អាណត្តិ​ទី ៧ និង យុទ្ធសាស្ត្រ​កែទម្រង់​ប្រព័ន្ធ​គ្រប់គ្រង​ការ​វិនិយោគ​សាធារណៈ នៃ​កម្មវិធី​កែទម្រង់​ការគ្រប់គ្រង​ហិរញ្ញវត្ថុ​សាធារណៈ។ ការកសាង​ប្រព័ន្ធ​អេកូឡូស៊ី​ឌីជីថល​សម្រាប់​ការគ្រប់គ្រង​គម្រោង​វិនិយោគ​សាធារណៈ គឺ​ដើម្បី​ពង្រឹង​ការធ្វើសមាហរណកម្ម​ទិន្នន័យ​នៃ​គម្រោង​វិនិយោគ​សាធារណៈ​របស់​ជាតិ​ជារួម សំដៅ​ផ្ដល់​មូលដ្ឋាន​គ្រឹះ​គ្រប់គ្រាន់​សម្រាប់​ការវិភាគ​និង​ការសម្រេចចិត្ត​ជា​យុទ្ធសាស្ត្រ​ដោយ​ផ្អែកលើ​ទិន្នន័យ ធានា​បាន​នូវ​ការវិនិយោគ​ចំទិសដៅ​ជា​អាទិភាព និង​បែងចែក​ធនធាន​សាធារណៈ​ប្រកបដោយ​ប្រសិទ្ធភាព​និង​ចីរភាព ក្នុង​ការអភិវឌ្ឍ​ជាតិ​បម្រើ​ផលប្រយោជន៍​ជូន​ប្រជាជន​កម្ពុជា​ចំគោលដៅ។ សូម​ទាញយក​ឯកសារ​នៅទីនេះ៖👇 [**ក្**](https://gdde.mef.gov.kh/private/cec92f2eac76a7)[របខ័ណ្ឌនិម្មាបនកម្មប្រព័ន្ធអេកូឡូស៊ីឌីជីថលសម្រាប់ការគ្រប់គ្រងគម្រោងវិនិយោគសាធារណៈ](https://mef.gov.kh/documents/digital-ecosystem-architecture-framework-for-investment-project-management/) ———————————————— The Ministry of Economy and Finance has officially announced the implementation of the **Digital Ecosystem Architecture Framework for Public Investment Project Management**, providing strategic direction and a clear blueprint for developing an integrated digital ecosystem to manage public investment projects in Cambodia. The Framework is developed in line with the Digital Economy and Society Policy Framework 2021–2035, the Pentagonal Strategy Phase 1 of the 7th Mandate Royal Government of Cambodia, and the Public Investment Management System Reform Strategy under the Public Financial Management Reform Program. By building a national digital ecosystem for public investment project management, the Framework aims to strengthen data integration across public investment projects nationwide, support data-driven analysis and strategic decision-making, and ensure that public investment is well-targeted, efficient, transparent, and sustainable—ultimately contributing to national development and the well-being of the Cambodian people. Download document here: 👇 [PIM_Digital_Ecosystem_Architecture_Framework_KH](https://mef.gov.kh/documents/digital-ecosystem-architecture-framework-for-investment-project-management/) =============== បណ្តាញសង្គមរបស់អគ្គនាយកដ្ឋានសេដ្ឋកិច្ចឌីជីថល៖ 🌐 [Website](https://gdde.mef.gov.kh/) 👤 [Facebook](https://www.facebook.com/kh.mef.gdde) ✈️ [Telegram](https://t.me/mef_gdde) 💬 [LinkedIn](https://www.linkedin.com/company/gddemefcambodia)