菲律宾附近热带气旋生成 预计未来几日柬埔寨降雨增多

ព្យុះថ្មីរៀបនឹងកកើតក្បែរប្រទេសហ្វីលីពីន ប្រព័ន្ធសម្ពាធទាបថ្មី 99W មាន «​ឱកាសខ្ពស់» ក្នុងការវិវត្តជាព្យុះត្រូពិកស៊ីក្លូនត្រូពិក ក្នុងរយៈពេល ២៤ ម៉ោងខាងមុខ គិតត្រឹមព្រឹកថ្ងៃពុធ ២៧ ឧសភា នេះ។ រូបភាពពីលើផ្កាយរណបបង្ហាញថាថា ពពកជួរទឹកភ្លៀងចាប់ផ្ដើមរង្វិលជុំវិញអ័ក្យនៃប្រព័ន្ធសម្ពាធទាបដែលស្ថិតនៅលើលំហរសមុទ្រភាគខាងកើតឆៀងខាងត្បូងនៃប្រជុំកោះហ្វីលីពីន ខណៈល្បឿនខ្យល់បក់បោក​​កំពុង​កើនឡើងខ្ពស់ជាបណ្ដើរៗ។ នៅពេលវិវត្តក្លាយជាព្យុះត្រូពិក គេនឹងឱ្យឈ្មោះវាជាអន្តរជាតិថា Jangmi (ចាងមី?) ដែលជាព្យុះទី ៦ ប្រចាំឆ្នាំ ២០២៦។ តាមការព្យាកររបស់មជ្ឈមណ្ឌលព្រមានព្យុះទីហ្វុងរួមគ្នា (JTWC) និងភ្នាក់ងារឧតុនិយមក្នុងតំបន់ផ្សេងៗ ព្យុះថ្មីដដែលមិនរំពឹងវាយប្រហារប្រទេសហ្វីលីពីន ឬប្រទេសអាស៊ីអាគ្នេយ៍ណាមួយ​នោះទេ ដោយវានឹង​បំបោកក្បាលលើលំហរសមុទ្រហ្វីលីពីនឆ្ពោះទៅភាគខាងជើង ខណៈខ្លះថាវាអាចវិវត្តក្លាយជាព្យុះទីហ្វុង។ ទោះបីបែបណាក៏ដោយ ព្យុះថ្មីរំពឹងថានឹង​ពង្រឹងខ្យល់មូសុងវស្សាពីមហាសមុទ្រឥណ្ឌា ឈូងសមុទ្រថៃ និងសមុទ្រចិនខាងត្បូង ដោយបង្កើនទឹកភ្លៀងធ្លាក់ លាយឡំខ្យល់កន្ត្រាក់ និងផ្គររន្ទះទូទាំងតំបន់៕ អត្ថបទ៖ ហួន ឌីណា [📲 Telegram](https://t.me/kptnews) | [YouTube](https://www.youtube.com/@tvkampucheathmey) | [X (Twitter](https://x.com/KPT_Daily))