切辛卡姆查马尔国立大学举办UniPreneur创业营

ខ្ញុំបាទសូមគោរពរាយការណ៍អំពីសកម្មភាពរបស់ក្រុមប្រឹក្សាយុវជនគ្រឹះស្ថានឧត្តមសិក្សា (ក.យ.គ.)  គណៈដឹកនាំចលនាយុវជនស្ម័គ្រចិត្ត ស.ស.យ.ក. ប្រចាំគ្រឹះស្ថានឧត្តមសិក្សារដ្ឋនិងឯកជន និងក្រុមការងារយុវជន ស.ស.យ.ក. ប្រចាំគ្រឹះស្ថានឧត្តមសិក្សារដ្ឋនិងឯកជន ប្រចាំថ្ងៃទី៤ ខែសីហា ឆ្នាំ២០២៦ ដូចខាងក្រោម៖ ១- ក្រុមការងារយុវជន ស.ស.យ.ក.នៃសាកលវិទ្យាល័យជាតិជាស៊ីមកំចាយមារ បានសម្របសម្រួលកម្មវិធី UniPreneur Camp Cluster 5, Season 4 ដែលឧបត្ថម្ភដោយសហគ្រិនខ្មែរ (Khmer Enterprise) នៅសាខាសាកលវិទ្យាល័យជាតិជាស៊ីមកំចាយមារ ខេត្តកំពង់ចាម ដែលមាននិស្សិតចូលរួមប្រកួតប្រជែងគំរូអាជីវកម្មចំនួន៦០ក្រុម មកពី ១៧ គ្រឹះស្ថានឧត្តមសិក្សា។ ២- ក្រុមការងារយុវជន ស.ស.យ.ក.នៃសាកលវិទ្យាល័យភូមិន្ទភ្នំពេញ ក្នុង**កម្មវិធីក្លឹបសិក្សា «សិស្សច្បងបង្រៀនបំប៉នសិស្សប្អូន» **សប្តាហ៍ទី៤ នាថ្ងៃទី១ និងទី២ ខែសីហា ឆ្នាំ២០២៦។ ក្រុមការងារយុវជនកម្មវិធីក្លឹបសិក្សា នៃក្រុមការងារ ស.ស.យ.ក ប្រចាំសាកលវិទ្យាល័យភូមិន្ទភ្នំពេញ បានចូលរួមសម្របសម្រួលដល់និស្សិតសិស្សប្អូន នៃសាកលវិទ្យាល័យភូមិន្ទភ្នំពេញ ក្នុងការរៀនបំប៉នសមត្ថភាព និងពង្រឹងចំណេះដឹងបន្ថែម តាមរយៈការសិក្សាផ្ទាល់នៅក្នុងថ្នាក់ និងតាមប្រព័ន្ធអនឡាញ។ ក្នុងសប្តាហ៍ទី៤ នេះ កម្មវិធីបានរៀបចំការបង្រៀនស្ម័គ្រចិត្តដោយនិស្សិតសិស្សច្បង នៃសាកលវិទ្យាល័យភូមិន្ទភ្នំពេញ លើមុខវិជ្ជាវិទ្យាសាស្ត្រពិតចំនួន ៦ថ្នាក់ និងភាសាបរទេសចំនួន ២ថ្នាក់ ដោយមាននិស្សិតសិស្សប្អូនចូលរួមសរុបចំនួន 156 នាក់ ទាំងការសិក្សាផ្ទាល់នៅក្នុងថ្នាក់ និងតាមប្រព័ន្ធអនឡាញ។ ៣- ក្រុមការងារយុវជន ស.ស.យ.ក.នៃវិទ្យាស្ថានបច្ចេកទេសឧស្សាហកម្ម(ITI) បានចូលរួមរៀបចំដំណើរការវាយតម្លៃសមត្ថភាពទទួលស្គាល់ជំនាញពីមុន (RPL)  ជំនាញផ្សារអគ្គិសនីដល់សាធារណជននៅមជ្ឈមណ្ឌលវាយតម្លៃសមត្ថភាពក្នុងវិទ្យាស្ថានបច្ចេកទេសឧស្សាហកម្ម។ **ដោយក្ដីគោរពដ៏ខ្ពង់ខ្ពស់។**