公务员普查工作进展与后续规划会议

[[ការងារជំរឿនមន្រ្តី] គណៈកម្មការធ្វើជំរឿនមន្រ្តីនៅតាមក្រសួង ស្ថាប័ន តាមដាន វាយតម្លៃការងារ និងរៀបចំផែនការចុះធ្វើជំរឿនមន្រ្តីជាក់ស្តែងបន្តបន្ទាប់](https://www.facebook.com/share/p/1ZgbnaWGEY/) មកទល់ពេលនេះ ការចុះធ្វើជំរឿនមន្រ្តីនៅតាមក្រសួង ស្ថាប័នចំណុះអង្គការនីតិប្រតិបត្តិ គណៈកម្មការធ្វើជំរឿនមន្រ្តីបានអនុវត្តនិងសម្រេចនៅគោលដៅចំនួន២ គឺ (១)ក្រសួងមុខងារសាធារណៈ និង (២)ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។ ដើម្បីបង្កើនគុណភាពប្រសិទ្ធភាពនៃការចុះធ្វើជំរឿនមន្រ្តីជាក់ស្តែងឱ្យកាន់តែល្អប្រសើរ ឆាប់រហ័ស និងទទួលបានទិន្នន័យពិតប្រាកដ គណៈកម្មការធ្វើជំរឿនមន្រ្តីបានជួបប្រជុំគ្នាដើម្បីពិនិត្យពិភាក្សាលើលទ្ធផលនៃដំណើរការអនុវត្តដែលសម្រេចបានកន្លងមក និងបញ្ហាប្រឈមមួយចំនួនដែលក្រុមការងារបានជួបប្រទះ ព្រមទាំងដំណោះស្រាយនានាផងដែរ។ ជាការគិតគូរបន្ត គណៈកម្មការបានពិភាក្សាលើការរៀបចំផែនការអនុវត្តបន្តដោយផ្តោតសំខាន់លើ ការកែសម្រួលបែបបទនីតិវិធីការងារ ការកំណត់រៀបចំពេលវេលាជាក់លាក់ ក៏ដូចជាការផ្សារភ្ជាប់រវាងក្រុមការងារឱ្យស្ថិតក្នុងជវភាពតួអង្គតែមួយ នៅក្នុងដំណើរការចុះធ្វើជំរឿននៅតាមក្រសួង ស្ថាប័ននីមួយៗ។ កិច្ចប្រជុំនេះ ដឹកនាំដោយ ឯកឧត្តម យក់ ប៊ុនណា រដ្ឋមន្រ្តីស្តីទីក្រសួងមុខងារសាធារណៈ ដោយមានការអញ្ជើញចូលរួមពី ឯកឧត្តម លោកជំទាវ ជាប្រធាន អនុប្រធាន លោក លោកស្រី ជាសមាជិក សមាជិកាក្រុមការងារចុះធ្វើជំរឿនមន្រ្តី សរុបចំនួន ៦០នាក់។