皇家金边大学语言学系参观博物馆 探索柬法文化

នាថ្ងៃទី៧ និង៨ ខែកក្កដា ឆ្នាំ២០២៦ និស្សិតថ្នាក់បរិញ្ញាបត្រភាសាវិទ្យាឆ្នាំសិក្សាមូលដ្ឋាន (វេនព្រឹកនិងរសៀល) បានធ្វើទស្សនកិច្ចសិក្សានៅសារមន្ទីរព្រះស្រីឦសានវរ្ម័ន (ស.ស.រ) ដើម្បីស្វែងយល់ពីប្រវត្តិនៃសង្គម និងសេដ្ឋកិច្ចកម្ពុជា ចាប់ពីសម័យអាណាចក្រហ្វូណន រហូតមកដល់បច្ចុប្បន្ន។ បន្ទាប់ពីទស្សនាសារមន្ទីរ និស្សិតក៏បានទៅទស្សនាពិព័រណ៌មិនអចិន្ត្រៃយ៍ «អង្កេតលើវាក្យសព្ទ៖ ពេលភាសាខ្មែរជួបភាសាបារាំង»។ ពិព័រណ៍នេះ បង្ហាញពីរបៀបនៃការប្រើប្រាស់ និងការបញ្ចូលមកក្នុងភាសាខ្មែរនូវវាក្យសព្ទមួយចំនួនដែលមានដើមកំណើតពីភាសាបារាំង ក៏ដូចជាឆ្លុះបញ្ចាំងពីការផ្លាស់ប្តូរវប្បធម៌អស់រយៈពេលជាងមួយសតវត្សរ៍ រវាងកម្ពុជា និងបារាំង។ ក្នុងដំណើរទស្សនកិច្ចសិក្សានេះ និស្សិតទាំងអស់ទទួលបានការបង្ហាញ និងពន្យល់យ៉ាងក្បោះក្បាយពីមគ្គុទ្ទេសក៍ប្រចាំសារមន្ទីរ អំពីដំណាក់កាលនីមួយៗនៃប្រវត្តិសង្គម និងសេដ្ឋកិច្ចទៅតាមសម័យកាលនីមួយៗផងដែរ។ #RUPP #DepartmentOfLinguistics