皇家金边大学与北九州大学洽谈师生交换项目

កិច្ចសំណេះសំណាលរវាងសាកលវិទ្យាល័យភូមិន្ទភ្នំពេញ និងសាកលវិទ្យាល័យ Kitakyushu ប្រទេសជប៉ុន   សាកលវិទ្យាល័យភូមិន្ទភ្នំពេញ៖ នាថ្ងៃទី២៦ ខែឧសភា ឆ្នាំ២០២៦ លោកស្រីសាស្រ្តាចារ្យ អ៊ុំ រ៉ាវី សាកលវិទ្យាធិការរងទទួលបន្ទុកកិច្ចការអន្តរជាតិ នៃសាកលវិទ្យាល័យភូមិន្ទភ្នំពេញ ​តំណាងដ៏ខ្ពង់ខ្ពស់ឯកឧត្តមសាស្រ្តាចារ្យសាកលវិទ្យាធិការ​ និងតំណាងមកពី ការិយាល័យទំនាក់ទំនងអន្តរជាតិ បានទទួលស្វាគមន៍លោកស្រី Yoshimori Hiromi ប្រធានការិយាល័យកិច្ចសហប្រតិបត្តិការសាកល នៃសាកលវិទ្យាល័យ Kitakyushu ប្រទេសជប៉ុន និងសហការី។   នៅក្នុងកិច្ចសំណេះសំណាលនេះ សាកលវិទ្យាល័យទាំងពីរបានពិភាក្សា លើចំនុចសំខាន់ៗដូចជា៖ ការពង្រឹង​ និងពង្រីកកិច្ចសហប្រតិបត្តិការបន្ថែមរវាងសាកលវិទ្យាល័យទាំងពីរ​ លើកិច្ចព្រមព្រៀងចល័តនិស្សិត សាស្ត្រចារ្យ និងអ្នកស្រាវជ្រាវ ជាពិសេសការពិភាក្សាលើកិច្ចផ្ដួចផ្ដើមគម្រោងចល័តនិស្សិតរយៈពេលខ្លីចន្លោះខែមិថុនានិងកញ្ញា។ #RUPP #IRO គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)