白马国际学校二期扩建 招收7-12年级三语学生

គម្រោងសាងសង់អគារសិក្សាថ្មី ដំណាក់កាលទី ២ របស់សាលាអន្តរជាតិកែប លើផ្ទៃដីទំហំ ១ហិកតា នឹងរួចរាល់ក្នុងពេលឆាប់ៗនេះ (កែប)៖ ឆ្លើយតបទៅនឹងការគាំទ្រយ៉ាងខ្លាំងពីសំណាក់មាតាបិតាសិស្សជាច្រើន! សាលាអន្តរជាតិកែប មានសេចក្តីសោមនស្សរីករាយ សូមប្រកាសពី គម្រោងសាងសង់អគារសិក្សាថ្មីដំណាក់កាលទី ២ លើផ្ទៃដីទំហំ ១ហិកតា សម្រាប់ថ្នាក់ទី៧ ដល់ទី១២ ក្នុងពេលឆាប់ៗខាងមុខនេះហើយ។ ទីតាំងថ្មីសម្រាប់សិស្សានុសិស្សថ្នាក់ទី៧ ដល់ទី១២ គឺស្ថិតនៅ ខាងក្រោយអគារសាលាអន្តរជាតិកែបកម្រិតមត្តេយ្យ និងបឋមសិក្សាសព្វថ្ងៃនេះ។ ដើម្បីពង្រឹងកាយសម្បទា និងស្មារតីរបស់កូនៗលោកអ្នក សាលាបានរៀបចំសាងសង់ហេដ្ឋារចនាសម្ព័ន្ធដ៏សម្បូរបែប រួមមាន៖ - អាងហែលទឹក និងទីធ្លាកីឡាតេក្វាន់ដូ បាល់បោះ បាល់ទាត់ វាយសី និងវាយកូនឃ្លីលើតុ។ - បន្ទប់កុំព្យូទ័រ បន្ទប់ពិសោធន៍ និងបណ្ណាល័យទំនើបៗ។ យើងខ្ញុំផ្តល់ជូននូវ កម្មវិធីសិក្សាអន្តរជាតិទំនើប ទាន់សម័យ និងទទួលបានការទទួលស្គាល់ជាអន្តរជាតិ។ កម្មវិធីសិក្សាអន្តរជាតិ៖ បង្រៀនផ្ទាល់ដោយគ្រូបរទេស និងគ្រូជនជាតិដើម (Native English Speakers) ដែលមានវិញ្ញាបនបត្រគរុកោសល្យ និងបទពិសោធន៍ខ្ពស់ ព្រមទាំងបានឆ្លងកាត់ការផ្ទៀងផ្ទាត់ប្រវត្តិរូប (Background Check) យ៉ាងម៉ត់ចត់។ កម្មវិធីសិក្សាភាសាខ្មែរ៖ ប្រកាន់ខ្ជាប់តាមកម្មវិធីរបស់ក្រសួងអប់រំ យុវជន និងកីឡា ដោយលោកគ្រូ អ្នកគ្រូជនជាតិខ្មែរមានគរុកោសល្យ និងបទពិសោធន៍ពីសាលារដ្ឋ។ សាលាអន្តរជាតិកែប ត្រូវបានទទួលស្គាល់ជាផ្លូវការដោយក្រសួងអប់រំ យុវជន និងកីឡា ចាប់ពីកម្រិតមត្តេយ្យដល់ថ្នាក់ទី១២។ ចុះឈ្មោះកូនៗរបស់លោកអ្នកថ្ងៃនេះ ដើម្បីសិក្សា ៣ភាសាក្នុងពេលតែមួយ (ខ្មែរ អង់គ្លេស និងចិន)! សាលាចាប់ទទួលសិស្សចាប់ពី អាយុ ២ឆ្នាំកន្លះឡើងទៅ! សូមអញ្ជើញមកចុះឈ្មោះសិក្សាឥឡូវនេះ! ព័ត៌មានលម្អិត៖ 098 202 581 / 066 202 581 (Telegram)